नेपालका कोरोना संक्रमितमध्ये थप २८ जना निको भएका छन्। योसमेत गरेर कोरोनाबाट मुक्त हुनेको संख्या ५१६ पुगेको छ।  सुनसरीको धरानस्थित बीपी कोइराला स्वास्थ्य विज्ञान प्रतिष्ठानको आइसोलेसनबाट सोमबार राति २८ जना डिस्चार्ज भएका हुन्।

प्रतिष्ठानका प्रवक्ता डा. निदेश सापकोटाका अनुसार कोरोनालाई जितेर घर फर्किनेमा झापाका विभिन्न स्थानीय तहका १८ देखि ५६ वर्षसम्मका व्यक्ति छन्। ती सबै पुरुष हुन्।

यीसमेत गरेर अहलेसम्म बीपी प्रतिष्ठानबाट ६१ जना निको भइसकेका छन्। प्रतिष्ठानमा अब ५५ संक्रमित छन्।