काठमाडौं । बाजुराको बुढीगंगा नगरपालिकाको मेयर-उपमेयर दुवैमा एमालेको जित निश्चित भएको छ । गणना गर्न बाँकी मतभन्दा मतान्तर धेरै भएपछि यहाँ एमालेको जित निश्चित भएको हो ।

अहिलेसम्म ८ हजार ६१७ गणना हुँदा मेयरमा एमाले उम्मेदवार रामबहादुर बानियाले ४ हजार ५५५ मत पाएका छन् । कांग्रेस उम्मेदवार रंगबहादुर खातीले ३५९७ मतका साथ पछ्याइरहेका छन् । दुईजना बीचको मतान्तर ९५८ छ ।

उपमेयरमा पनि एमाले उम्मेदवारको जित निश्चित भइसकेको छ । मायाकुमारी खड्काले ४ हजार ४८० मत ल्याएकी छन् भने प्रतिद्वन्द्वी कांग्रेस उम्मेदवार रिता शाहीको ३ हजार ६०० मत छ । उपमेयरका दुई उम्मेदवारको मतान्तर ८८० रहेको छ ।

बुढीगंगामा ९ हजार ११७ मत खसेको थियो । अब ५०० मत मात्र गन्न बाँकी छ ।